कक्षा १२ को परीक्षा सम्पन्न भएपछि जिल्ला प्रशासन कार्यालय धादिङमा नागरिकता , राष्ट्रिय परिचयपत्र र पास्पोर्ट बनाउने सेवाग्राहीको भिड अत्यधिक बढेको छ । विशेषतः विद्यार्थीहरू र विदेश जाने तयारीमा रहेका युवाहरूको चापका कारण कार्यालयमा दैनिक सयौंको संख्यामा सेवाग्राहीहरू उपस्थित भइरहेका छन् ।
सेवाग्राहीको चाप बढेसँगै कार्यालयमा कर्मचारी अभावको समस्या देखिएको छ । दरबन्दीअनुसार पर्याप्त कर्मचारी नहुँदा सेवा प्रवाहमा ढिलाइ भएको सहायक प्रमुख जिल्ला अधिकारी मोहनप्रसाद न्यौपानेले बताउनु भयो । कर्मचारी अभावले छिटो सेवा दिन नसक्दा सेवाग्राहीहरूलाई लामो समयसम्म लाइन बस्नुपर्ने बाध्यता रहेको सहायक प्रमुख जिल्ला अधिकारी मोहन प्रसाद न्यौपनेले बताउनु भयो ।
धादिङ जिल्ला प्रशासन कार्यालयले सेवाग्राहीहरूको चाप व्यवस्थापन गर्न थप कर्मचारी नियुक्ति र सेवा प्रवाहमा सुधारका लागि सम्बन्धित निकायसँग समन्वय गरिरहेको छ । त्यसैगरि सेवाग्राहीहरूले पनि सेवा प्राप्त गर्नका लागि आवश्यक कागजातहरू तयार पारेर समयमै कार्यालयमा उपस्थित हुन अनुरोध गरिएको छ साथै भिडलाई कम गर्न सार्वजनिक बिदाकोदिन पनि कामहुने न्यौपनेले बताउनु भयो ।
धादिङ जिल्ला प्रशासन कार्यालयले राष्ट्रिय परिचयपत्र वितरण कार्यको सुरुवात गरे यता सेवाग्राहीहरूको संख्या निरन्तर बढ्दो क्रममा रहेको छ । कार्यालयले अनलाइन फारम भर्ने सुविधा निःशुल्क रूपमा उपलब्ध गराए पनि कर्मचारी अभावका कारण सेवामा ढिलाइ भइरहेको छ । सेवाग्राहीहरूको चाप व्यवस्थापन गर्न कार्यालयले विभिन्न उपायहरू अवलम्बन गरिरहेको छ । तर, कर्मचारी अभावका कारण सेवा प्रवाहमा चुनौतीहरू कायमै छन् ।
यसले सेवाग्राहीहरूलाई समयमै सेवा प्राप्त गर्न कठिनाइ भएको छ । कर्मचारी अभाव र सेवाग्राशीको संख्या बढ्दा सेवालाई कसरी सहज बानाउने भन्ने बिषयमा तयारी गरिरहेको सहायक प्रमुख जिल्ला अधिकारी न्यौपानेले बताउनु भयो ।
