काठमाडौं । नेपालकै सबैभन्दा ठूलो १२०० मेगावाट क्षमताको बुढीगण्डकी जलविद्युत आयोजनाका लागि प्रमुख कार्यकारी अधिकृत (सीईओ) नियुक्तिका लागि दरखास्त आह्वान गरिएको छ। कम्पनीले खुला प्रतिस्पर्धाबाट सीईओ नियुक्ति गर्न १५ दिनभित्र दरखास्त दिन अनुरोध गरेको हो।
उम्मेदवारले मान्यता प्राप्त विश्वविद्यालयबाट अर्थशास्त्र, व्यवस्थापन, वाणिज्यशास्त्र वा इन्जिनियरिङ विषयमा स्नातकोत्तर उपाधि लिएको र पूर्वाधार क्षेत्रको व्यवस्थापन, अध्यापन वा अनुसन्धानमा कम्तीमा १२ वर्षको अनुभव भएको हुनुपर्नेछ। उमेर ४० देखि ६१ वर्षबीच हुनुपर्नेछ।
बुढीगण्डकी आयोजना राष्ट्रिय गौरवको आयोजनामध्ये एक हो, जसको विस्तृत परियोजना प्रतिवेदन (DPR) तयार भइसकेको र पुनःस्थापना तथा मुआब्जा वितरणको काम भने जारी छ।
सम्पर्क: बुढीगण्डकी जलविद्युत कम्पनी लिमिटेड, काठमाडौँ।
यो खबर पढेर तपाईलाई कस्तो महसुस भयो ?
+1
+1
+1
+1
+1
+1
+1
