धादिङ — नीलकण्ठ नगरपालिका–४, पुरानो पावरहाउस पारिपट्टिको पचभैयामा निर्माण गरिएको निजी संरचनाका कारण करिब ४० रोपनी खेतीयोग्य जमिनमा गम्भीर असर परेको भन्दै किसानहरूले गुनासो गरेका छन्।
स्थानीय किसानहरूको अनुसार, बागमती प्रदेशका मान्यज्यूको सिफारिसमा गत आर्थिक वर्षको सरकारी बजेट प्रयोग गरेर उक्त संरचना निर्माण गरिएको हो। तर, यसरी निजि संरचना मा सरकारी लगानिले सार्वजनिक हितको सट्टा केही निश्चित समूहलाई मात्र फाइदा पुर्याएको र अन्य किसानहरूको जीवनयापनमै धक्का पुगेको आरोप उनीहरूको छ।
स्थानीय किसान रामकुमा श्रेष्ठ भन्छन्, “यो संरचना बनेपछि खेतमा पानी लाउन सकेको छैन गत चैते बालि बाझै राखियो यसपालि पनि , बाली सड्छ, खेती गर्न सकिंदैन कुलो पुरै बिगारेको छ, बाध पुरै भत्काएको छ राम्रो संग पानी चलाउन सकेको छैन ।हाम्रा खेत बाझै रहने भो । हाम्रो पुर्खाले जोतेको जमिन आज निजी निर्माणको मारमा पर्यो।”
बाँझिदै गएको जमिन, बढ्दो पीडा
पचभैयाका अधिकांश बासिन्दा कृषिमा निर्भर छन्। कसैले अधिया गरेर आफ्नो जिविका चलाइरहेका छ्न्।तर यस्ता संरचना निर्माणले अवरुद्ध गर्दा प्रत्येक वर्ष यहाँका जमिन बाझोँ पर्ने गरेको छ। यसले उत्पादनमा गिरावट ल्याएको छ भने किसानहरु बाजारको चामल किनेर खान बाध्य भएका छन्।
सरकारी मौनता प्रति आक्रोश
किसानहरूले पटक पटक नगरपालिका र प्रशासन कार्यालयमा जानकारी दिएको भए पनि ठोस पहल नभएको उनीहरूको आरोप छ। “हामीलाई सधैं चुनावमा सम्झिन्छन्, समस्या पर्दा कोही नदेखिने,” स्थानीय किसान बेलमाया श्रेष्ठले भनिन्।
न्यायको माग
किसानहरूले तत्काल उक्त संरचनाको असरबारे अध्ययन गरी उचित मुआब्जा वा समाधान खोज्न सरकारसँग माग गरेका छन्। उनीहरूले किसानलाई मार पर्ने कुनै पनि काम नगर्न र योजनाहरू ल्याउँदा जनताको सहमति अनिवार्य हुनुपर्नेमा जोड दिएका छन्।
भिडियो तल को लिङकमा छ ।
