रसुवा, धुन्चे — साउन २१:
रसुवा जिल्लाको सदरमुकाम धुन्चेबाट प्रसिद्ध गोसाइँकुण्ड मेला आजबाट औपचारिक रूपमा सुरु भएको छ। प्रत्येक वर्ष जनैपूर्णिमा (रक्षाबन्धन) को अवसरमा आयोजना हुने यो मेला हिन्दू र बौद्ध धर्मावलम्बीहरूका लागि विशेष धार्मिक महत्व बोकेको छ।
मेलाको सुरुवातसँगै देशका विभिन्न भागबाट हजारौं तीर्थयात्री गोसाइँकुण्ड तालतर्फ यात्रा सुरु गरिरहेका छन्। धुन्चे, चन्दनबारी, लौरीबिनायक हुँदै करिब ४३८० मिटर उचाइमा अवस्थित गोसाइँकुण्ड पुग्नका लागि लामो पैदल यात्रा आवश्यक हुन्छ।
धार्मिक विश्वास अनुसार गोसाइँकुण्डमा स्नान गर्दा पाप नाश हुने र मोक्ष प्राप्ति हुने जनविश्वास छ। भगवान शिवले विष पिएपछि शीतल जलको खोजीमा त्रिशुल प्रहार गरी गोसाइँकुण्ड उत्पत्ति गराएको धार्मिक कथा पनि प्रचलित छ।
मेलाको प्रारम्भसँगै गोसाइँकुण्ड गाउँपालिकाका अध्यक्ष कैसाङ नुर्पु तामाङले तीर्थयात्रीहरूलाई सुरक्षित वातावरणमा मेला मनाउन आह्वान गर्नुभएको छ।
“गोसाइँकुण्ड तिर्थ गर्न ढुक्कसँग आउँदा हुन्छ, सुरक्षा को पूरा व्यवस्था गरिएको छ।”
— कैसाङ नुर्पु तामाङ, अध्यक्ष, गोसाइँकुण्ड गाउँपालिका
अध्यक्ष तामाङका अनुसार नेपाल प्रहरी, सशस्त्र प्रहरी, स्वास्थ्य टोली तथा स्थानीय स्वयंसेवकहरू मेलास्थलमा खटाइएको छ। यात्रुहरूको स्वास्थ्य परीक्षण, आकस्मिक उद्धार, खाना र बासको व्यवस्थामा समेत गाउँपालिकाले सहयोग गरिरहेको छ।
गोसाइकुण्ड मेला सुरु भएसँगै गोसाइकुण्ड क्षेत्र विकास समितिका अध्यक्ष सञ्जीव डि.एम. ले श्रद्धालु तथा पर्यटकहरूलाई ढुक्क भएर गोसाइकुण्ड तीर्थ गर्न आग्रह गरेका छन्।उनले भने, “गोसाइँकुण्ड तिर्थ गर्न ढुक्कसँग आउँदा हुन्छ, सुरक्षा को पूरा व्यवस्था गरिएको छ।”अध्यक्ष डि.एम. का अनुसार मेलाको समयमा प्रहरी, नेपाली सेना, स्वास्थ्य टोली तथा स्वयंसेवकहरूको समेत सहयोगमा सुरक्षा तथा सुविधाको व्यवस्थापन गरिएको छ।उनले गोसाइकुण्ड क्षेत्रलाई सुरक्षित, व्यवस्थित र भक्तजनमैत्री बनाउने उद्देश्यले सम्पूर्ण तयारीहरू पूरा गरिएको जानकारी दिनुभएको छ।
