धादिङ — धादिङको धुनिवेशी नगरपालिका–८ खानीखोला नजिकै पेट्रोल बोकेको ट्याङकरमा आगलागी भएको छ।
मंगलवार बिहान करिब १०:२० बजे बाराको अमलेखगंजबाट काठमाडौंतर्फ जाँदै गरेको ना.७ ख.३७७४ नम्बरको ट्याङकरमा इन्जिनको तार सर्ट भई अचानक आगो लागेको जिल्ला प्रहरी कार्यालयले जनाएको छ। ट्याङकरमा करिब २० हजार लिटर पेट्रोल रहेको थियो।
खबर प्राप्त हुनासाथ इलाका प्रहरी कार्यालय खानीखोलाबाट प्रहरी निरीक्षक नन्दराज जैशीको कमाण्डमा खटिएको टोली, स्थानीयवासी र दमकलको सहयोगमा करिब १०:३० बजेतिर आगो पूर्ण रूपमा नियन्त्रणमा लिइएको हो।
प्रहरीका अनुसार आगलागीमा मानविय क्षति नभएको र इन्जिनको तार मात्र क्षतिग्रस्त भएको छ। साथै, घटनाका कारण बाटो अवरुद्ध नबनेकोले सवारीसाधन आवागमन सामान्य रहेको छ।
यो खबर पढेर तपाईलाई कस्तो महसुस भयो ?
+1
+1
+1
+1
+1
+1
+1
