धादिङ, ६ भदौ ।
पृथ्वी राजमार्ग अन्तरगत धादिङको बेनीघाट रोराङ गाउँपालिका–५ विशालटारमा बुटवलबाट काठमाडौंतर्फ आउँदै गरेको बागमती प्रदेश ०१–००२ ज ६७६३ नम्बरको इभी हाईस शुक्रबार साँझ दुर्घटना भएको छ ।
जिल्ला प्रहरी कार्यालय धादिङका अनुसार साँझ करिब ६:३० बजे यात्रु बोकेको उक्त सवारी आफैं अनियन्त्रित भई सडकमा पल्टिँदा सवार ११ जनामध्ये ८ जना घाइते भएका छन् । उनीहरुलाई उपचारका लागि राजमार्ग अस्पताल, मलेखु पठाइएको प्रहरीले जनाएको छ ।
घाइतेहरु :
१. विमल श्रेष्ठ, २५ वर्ष, पाल्पा पुर्बीखोला–१ — बाँया कुम र शरीरका विभिन्न भागमा चोट, अवस्था मध्यम।
२. सन्तोष परियार, १३ वर्ष, धादिङ नीलकण्ठ–६ — बाँया हात र शरीरका विभिन्न भागमा चोट, अवस्था मध्यम।
३. कमल कुमार सुनाम, ३१ वर्ष, रामेछाप गोकुलगंगा–४ — बाँया हातमा चोट, अवस्था सामान्य।
४. मिलन परियार, १९ वर्ष, धादिङ गजुरी–१ — बाँया पातामा चोट, अवस्था सामान्य।
५. केशव दमाई, ४२ वर्ष, धादिङ गजुरी–१ — बाहिरी चोट नभएको, अवस्था सामान्य।
६. प्रमोद परियार, २३ वर्ष, धादिङ गजुरी–१ — दाँया हातमा चोट, अवस्था सामान्य।
७. सरोज परियार, १८ वर्ष, ऐ.ऐ. गा.पा.–१ — दाँया खुट्टामा चोट, अवस्था सामान्य।
८. राजु परियार, २४ वर्ष, धादिङ बेनीघाट रोराङ–३ — कम्मरमा चोट, अवस्था सामान्य।
दुर्घटनापछि इलाका प्रहरी कार्यालय बेनीघाटबाट प्रहरी नायब निरीक्षक हर्कबहादुर खड्काको कमाण्डमा टोली खटिएको थियो । सडक अबरुद्ध नभएको प्रहरीले जनाएको छ ।
इभी हाईस चालक सुनिल बिक (२२ वर्ष, पाल्पा मातागढी–४)लाई प्रहरीले नियन्त्रणमा लिएको छ ।
