धदिङ , ६ भदौ ।सङ्घीय मामिला तथा सामान्य प्रशासन मन्त्रालयले आव २०८०/८१ को स्थानीय तह संस्थागत क्षमता स्वमूल्याङ्कन (लिजा) अन्तर्गत उत्कृष्ट प्रदर्शन गरेका ६ स्थानीय तहहरूलाई राष्ट्रिय स्तरमा सम्मान गरेको छ
नगरपालिकामध्ये धादिङकै नीलकण्ठ नगरपालिका ९३.७५ प्रतिशत अंकसहित समग्र देशकै उत्कृष्ट बनेको छ ।
नीलकण्ठ नगरपालिकाका प्रमुख प्रशासकीय अधिकृत पुरुषोत्तम सुवेदीका अनुसार,
“अङ्कको उत्कृष्टता अवस्था होइन तर सीमित स्रोत र साधनको सही व्यवस्थापनको परिचायक हो।”
सुशासन, आर्थिक पारदर्शिता, जवाफदेहिता जस्ता सूचकहरूमा नगरपालिकाले उच्च प्रदर्शन गरेको बताउनु भएको छ ।
यस सफलताको पछाडि जनप्रतिनिधि, कर्मचारी र स्थानीय जनताको सहभागिता, पारदर्शिता, जवाफदेहिता, र सेवा प्रवाहमा सुधारले महत्वपूर्ण भूमिका रहेको मेयर भिम प्रसाद ढुङगानाले बताउनु भएको छ ।
शुक्रबार, मन्त्रालयमा आयोजित समारोहमा मंत्रालयकी मन्त्री भगवती न्यौपाने उपस्थित रहेकी थिइन्, जहाँ सम्मान गरिएका स्थानीय तहहरूलाई प्रमाणपत्र प्रदान गरिएको थियो
सम्मानित स्थानीय तहहरू यसप्रकार छन्:
• नीलकण्ठ नगरपालिका (धादिङ) – समग्र स्थानीय तहमध्ये उत्कृष्ट नगरपालिका
• बेनीघाट रोराङ गाउँपालिका (धादिङ) – उत्कृष्ट गाउँपालिका
• रुरुक्षेत्र गाउँपालिका (गुल्मी)
• अर्जुनचौतारी गाउँपालिका (स्याङ्जा)
• साथै, खैरहनी नगरपालिका (चितवन) र तिलोत्तमा नगरपालिका (रुपन्देही) पनि यस सूचीमा रहेका छन्
