धादिङका प्रमुख जिल्ला अधिकारी को सरुवा ,ओखलढुंगामा कार्यरत विजयराज सुवेदी आउदै

काठमाडौं, ५ भदौ । गृह मन्त्रालयले बुधबार २० जना सह सचिव र २४ जना उप सचिवको सरुवा गरेको छ । यसरी सरुवा हुनेहरुमा अधिकांश प्रजिअको जिम्मेवारीमा रहेकाहरु छन् । यस्तै धादिङका प्रमुख जिल्ला अधिकारीको जिम्मेवारीमा रहेका सुमन घिमिरेलाई ललितपुरको प्रमुख जिल्ला अधिकारीको जिम्मेवारी दिइएको छ भने जिल्ला प्रशासन कार्यालय ओखलढुंगामा कार्यरत विजयराज सुवेदीलाई धादिङको प्रमुख जिल्ला अधिकारीमा सरुवा गरिएको छ । काठमाडौंका प्रमुख जिल्ला अधिकारी ऋषिराम तिवारीलाई मन्त्रालयको आन्तरिक व्यवस्थापन महाशाखामा कामकाजमा खटाएर मन्त्रालयको प्रशासन महाशाखा प्रमुखको जिम्मेवारीमा रहेका छविलाल रिजालाई काठमाडौंको प्रमुख जिल्ला अधिकारीको जिम्मेवारी दिएका छन् । मन्त्रालयमा आन्तरिक व्यवस्थापन महाशाखा प्रमुखको जिम्मेवारीमा रहेका जयनारायण आचार्यलाई भने प्रशासन…

धादिङ, ४ भदौ आज दिउसो धादिङको धुनिवेशी नगरपालिका–७ घट्टामोड, नौविसे नजिक त्रिभुवन राजमार्गमा मोटरसाइकल र भारतीय ट्रक ठोक्किँदा एकजनाको मृत्यु भएको छ भने पाँचजना घाइते भएका छन्। चितवनबाट काठमाडौंतर्फ जाँदै गरेको ध २ प ३१४६ नम्बरको मोटरसाइकललाई विपरीत दिशाबाट आउँदै गरेको UP51 CT 2601 नम्बरको भारतीय ट्रकले ठक्कर दिँदा दुर्घटना भएको प्रहरीले जनाएको छ। ठक्करपछि ट्रक सडकबाट करिब २५ मिटर तल खसेको थियो। दुर्घटनामा मोटरसाइकल चालक म्याग्दी मंगला गाउँपालिका–५ का ५० वर्षीय बीरबहादुर बिक गम्भीर घाइते भई उपचारका लागि काठमाडौं ट्रमा सेन्टर पुर्‍याइएकोमा चिकित्सकले मृत घोषणा गरेका छन्। मोटरसाइकलमा पछाडि सवार धादिङकै २० वर्षीया अनिता बिकसहित भारतीय ट्रक चालक र…

  धादिङ । रूबीभ्याली गाउँपालिकाका अध्यक्ष रामसिंह तामाङले नेपाल दुरसञ्चार प्राधिकरण धादिङका कार्यालय प्रमुख विकास महर्जनलाई लिखित ध्यानाकर्षण गराएका छन् । विगत केही महिनादेखि गाउँपालिकाभित्र सञ्चालित नेपाल टेलिकमको टावरमा प्राविधिक समस्या देखिँदा स्थानीयहरू निरन्तर दूरसञ्चार सेवाबाट वञ्चित हुँदै आएका छन् । सञ्चार प्रवाह अवरुद्ध हुँदा गाउँपालिकाभित्रको शिक्षा, स्वास्थ्य, आपतकालीन सेवा र दैनिकीमै समेत गम्भीर असर परेको भन्दै अध्यक्ष तामाङले तत्काल मर्मतसम्भार गरी सेवा सुचारु गर्न आग्रह गरेका हुन् । अध्यक्ष तामाङले भने, “रूबीभ्यालीका नागरिकहरू निरन्तर सञ्चार सेवाको अभावमा परेका छन् । टेलिकम टावर लामो समयदेखि बिग्रँदा विद्यार्थीहरूलाई अध्ययनमा, बिरामीलाई आपतकालीन अवस्थामा तथा गाउँपालिकाभित्रका सर्वसाधारणलाई दैनिकीमै ठूलो समस्या भइरहेको छ । छिटोभन्दा…

धादिङ — धादिङको धुनिवेशी नगरपालिका–८ खानीखोला नजिकै पेट्रोल बोकेको ट्याङकरमा आगलागी भएको छ। मंगलवार बिहान करिब १०:२० बजे बाराको अमलेखगंजबाट काठमाडौंतर्फ जाँदै गरेको ना.७ ख.३७७४ नम्बरको ट्याङकरमा इन्जिनको तार सर्ट भई अचानक आगो लागेको जिल्ला प्रहरी कार्यालयले जनाएको छ। ट्याङकरमा करिब २० हजार लिटर पेट्रोल रहेको थियो। खबर प्राप्त हुनासाथ इलाका प्रहरी कार्यालय खानीखोलाबाट प्रहरी निरीक्षक नन्दराज जैशीको कमाण्डमा खटिएको टोली, स्थानीयवासी र दमकलको सहयोगमा करिब १०:३० बजेतिर आगो पूर्ण रूपमा नियन्त्रणमा लिइएको हो। प्रहरीका अनुसार आगलागीमा मानविय क्षति नभएको र इन्जिनको तार मात्र क्षतिग्रस्त भएको छ। साथै, घटनाका कारण बाटो अवरुद्ध नबनेकोले सवारीसाधन आवागमन सामान्य रहेको छ।

धादिङ १ भदौ ।३१औँ तामाङ प्रसारण दिवसको अवसरमा धादिङबेशीमा अन्तरक्रिया कार्यक्रम सम्पन्न भएको छ । कार्यक्रमको प्रमुख अतिथि रूबीभ्याली गाउँपालिकाका अध्यक्ष रामसिंह तामाङ रहनुभएको थियो । उहाँले तामाङ पत्रकारिताले समुदायको भाषा, संस्कृति र पहिचान संरक्षणमा महत्त्वपूर्ण भूमिका निर्वाह गरिरहेको उल्लेख गर्दै अझ सशक्त र प्रभावकारी काम गर्नुपर्नेमा जोड दिनुभयो । तामाङ पत्रकार सङ्घ जिल्ला कार्यसमिति धादिङको आयोजनामा सम्पन्न कार्यक्रममा सङ्घका जिल्ला अध्यक्ष नीर तामाङको अध्यक्षता रहेको थियो । अध्यक्ष तामाङले समुदायको आवाजलाई मुख्यधारको सञ्चारमा पुर्‍याउने उद्देश्यले प्रसारण दिवसलाई निरन्तरता दिइएको बताउँदै आगामी दिनमा पनि पत्रकारहरूलाई सङ्गठित र सक्षम बनाउन सङ्घ क्रियाशील रहने प्रतिबद्धता व्यक्त गर्नुभयो । अन्तरक्रिया कार्यक्रममा पत्रकार, सञ्चारकर्मी,…

  धादिङ — पाब्सन धादिङको आयोजनामा रोजमेरी चाइल्डकेयर इङ्ग्लिस बोर्डिङ स्कुलमा सम्पन्न कक्षा १ देखि ५ सम्मका विद्यार्थीहरू बीचको जिल्लास्तरीय कथा वाचन प्रतियोगितामा एडभान्स एकेडेमी प्रथम स्थान हासिल गर्दै समग्रतामा च्याम्पियन बनेको छ। प्रतियोगितामा द्वितीय स्थान रोजमेरी चाइल्डकेयर बोर्डिङ स्कुल, तृतीय स्थान आदर्श पाठशाला र सान्त्वना स्थान चिल्ड्रेन पार्क सेकेन्डरी स्कुलले प्राप्त गरेका छन्। प्रतियोगिता दुई विधामा सम्पन्न भएको थियो। बालक विधामा एडभान्स एकेडेमी प्रथम, चिल्ड्रेन पार्क सेकेन्डरी बोर्डिङ स्कुल द्वितीय, आदर्शिला पाठशाला तृतीय र रोजमेरी चाइल्डकेयर स्कुल सान्त्वना स्थानमा रहे। बालिका विधामा रोजमेरी चाइल्डकेयर स्कुल प्रथम, एडभान्स एकेडेमी द्वितीय, सालन्तर बालबालिका विद्यालय तृतीय र आदर्शिला पाठशाला सान्त्वना स्थानमा रहे।…

धादिङ । सामाजिक विभेद र कुसंस्कार विरुद्ध आफ्नो बाबुको काजक्रियामा रहेका नेकपा एमाले धादिङका सचिव राधिका सापकोटा, बनेपा नगरपालिकाका उपप्रमुख तथा अनेमसंघ काभ्रेका अध्यक्ष विमला सापकोटा र वौद्धिक परिषद काभ्रेका कोषाध्यक्ष निर्मला सापकोटा सहित परिवारलाई समवेदना दिन नेकपा एमालेका केन्द्रीय नेतादेखि जिल्ला तहका नेताहरु काभ्रेको रयाले पुगेका छन् । नेकपा एमाले उपाध्यक्ष अष्टलक्ष्मी शाक्य, नेकपा एमाले केन्द्रीय सदस्य खेम लोहनी, बागमति प्रदेश कमिटि सचिव नवराज सिलवाल, धादिङ जिल्ला कमिटि अध्यक्ष भूमि त्रिपाठी, उपाध्यक्ष अर्जुनकुमार श्रेष्ठ, प्रेस चौतारीका अध्यक्ष अर्जुन श्रेष्ठ, युवा संघका अध्यक्ष किरण पाठक, लगायतका नेताहरु पनौती नगरपालिका वडा नम्बर १ रयालेको पर्खालचौर पुगेर सापकोटा परिवारलाई समवेदना व्यक्त गर्नुभएको…

धादिङ, २९ साउन — धादिङ जिल्ला योग खेलकुद संघले आयोजना गरेको तीन दिने निःशुल्क योग खेलकुद प्रशिक्षण आज सम्पन्न भएको छ। नेपाल सरकारको युवा तथा खेलकुद मन्त्रालय अन्तर्गत राष्ट्रिय खेलकुद परिषदमा दर्ता भएको नेपाल योग खेलकुद संघको विधानअनुसार भएको यो प्रशिक्षण साउन २७ देखि २९ गतेसम्म होटल जीविका, पुछारबजारमा सञ्चालन गरिएको थियो। नीलकण्ठ नगरभित्रका योग साधना केन्द्रका साधक–साधिकासहित विद्यालयका शिक्षक र विद्यार्थीहरूलाई लक्षित तालिममा करिब २०० जना सहभागी भएका थिए। बिहान ४:३० देखि ६:३० बजेसम्म योग साधक–साधिकाहरू र दिउँसो ११:०० देखि २:०० बजेसम्म शिक्षक तथा विद्यार्थीहरूका लागि छुट्टाछुट्टै सत्र सञ्चालन गरिएको थियो। तालिममा शारीरिक, मानसिक तथा भावनात्मक स्वास्थ्य सुधार, प्राकृतिक…

२९ साउन, काठमाडौं । सरकारले नागढुंगा सुरुङमार्गको उपभोग दस्तुर तोकेको छ । बिहीबार सञ्चार मन्त्रालयमा आयोजना गरिएको पत्रकार सम्मेलनमा सूचना तथा सञ्चार प्रविधिमन्त्री एवं सरकारका प्रवक्ता समेत रहेका पृथ्वीसुब्बा गुरुङले गा सोमबारको मन्त्रिपरिषद् निर्णय सार्वजनिक गर्दै उक्त जानकारी दिएका हुन् । सोमबार बसेको मन्त्रिपरिषद् बैठकले नागढुंगा सुरुङमार्ग मार्फत कार तथा भ्यानहरूले काठमाडौं आउँदा ६५ रुपैयाँ र जाँदा ६० रुपैयाँ दस्तुर तिर्नुपर्ने निर्णय गरेको छ । त्यस्तै मिनिबस र मिनिट्रकले काठमाडौं आउँदा १ सय १५ रुपैयाँ र जाँदा ८० रुपैयाँ तोकिएको छ भने बस तथा ट्रकले काठमाडौं आउँदा २ सय ६० र जाँदा २ सय रुपैयाँ दस्तुर तिर्नुपर्ने छ । यसैगरी…

  धादिङ । धादिङ जिल्लाको रूबीभ्याली गाउँपालिका अन्तर्गत गणेश हिमाल क्षेत्रमा इको-ट्रेल निर्माण हुने भएको छ । यसका लागि रूबीभ्याली गाउँपालिकाको समन्वयमा बागमती प्रदेश सरकार, भौतिक पूर्वाधार विकास मन्त्रालयअन्तर्गत शहरी विकास तथा भवन कार्यालय, नुवाकोटबाट रू. ९० लाखको कार्यान्वयन बजेट विनियोजन गरिएको छ । रूबीभ्याली गाउँपालिकाका अध्यक्ष रामसिंह तामाङले भने, “गणेश हिमाल क्षेत्रको प्राकृतिक सौन्दर्य, सांस्कृतिक सम्पदा र पर्यटकीय सम्भावनालाई जोड्ने गरी इको-ट्रेल निर्माण कार्य अघि बढाइनेछ । यसले स्थानीय रोजगार सिर्जना र गाउँको आर्थिक विकासमा ठूलो योगदान पुर्‍याउनेछ । साथै, बजेट विनियोजनको लागि धन्यवाद व्यक्त गर्दै छिटोभन्दाछिटो बोलपत्र आव्हान गरि निर्माण प्रक्रिया अघि बढाइने बताए ।” परियोजना सम्पन्न भएपछि…